İngilis kral ailəsinin yeni üzvü, şahzadə Uilyamla Kembric hersoginyası Keyt Midltonun qızı Şarlottanın xaç suyuna salınma mərasimi keçirilib.

Axşam.az xarici mətbuata istinadən xəbər verir ki, gənc ailə ilk dəfə dörd üzvü ilə birlikdə kamera qarşısına keçib. Mərasim İngiltərənin Norfolk qraflığında Müqəddəs Mari Maqdalene kilsəsində baş tutub.

Kilsəyə xüsusi qonaqlardan başqa, heç kim buraxılmayıb. Mərasimin diqqətçəkən məqamlarından biri də şahzadə Corcun əynində atası Uilyamın 30 il əvvəl qardaşı Harrini doğum evindən çıxarmağa gedərkən geyindiyi paltarın oxşarının olması idi.

Qeyd edək ki, şahzadə Şarlotta bu ilin mayında dünyaya gəlib.