Ceremi və Castis Stemperlər oxuduqları kollecdən bir-birini tanıyırlar və keçən ilin avqustunda onlar ailə qurublar.

Axşam.az-ın adme.ru-ya istinadən məlumatına görə, Ceremi həmin gün dünyanın ən xoşbəxt insanı olduğunu deyir:

"Biz dünyanın zirvəsində və bütöv bir həyatı qarşıda olan gənc cütlük idik".

Toydan 19 gün sonra cütlük dəhşətli yol qəzası keçirir. Müalicədən sonra özün gələn Castis həyat yoldaşı ilə görüşür. O, toylarının necə olmasını və həmin günü xatırlamadığını deyir. Məlum olur ki, qəzadan əvvəlki 5 həftə travma nəticəsində qızın yaddaşından silinib.

Yaddaşını qaytarmaq üçün o, hər gün toy fotolarına baxır, amma nəticəsi olmur:

"Mən görürəm ki, Ceremi toyda mənə necə sevgiylə baxır. Amma xatırlamıram. Belə bir şeyin baş verdiyini yadıma salmaq istəyirəm". 

Ceremi isə vəziyyətdən çıxış kimi maraqlı yol fikirləşib:

"Onun keçən günləri yada salmaq üçün etdiyi uğursuz cəhdlər mənə pis təsir edir. Və mən başa düşürəm ki, bunu onun üçün edim. Həyatımızın ən xüsusi gününü yenidən keçirək. O, xatırlasın deyə ikinci dəfə toyumuz olsun. Toyu hər iki tərəf unutmamalıdır. Vacib deyil ki, Castisin yaddaşı qayıdacaq ya yox. Onsuz da biz bunu yenidən edirik".

Bu xəbərdən sonra insanlar onların toyunda iştirak etməyə çalışırlar. Kimsə toy tortunu öhdəliyinə götürür, digəri toyda fotoqraf olmaq istəyir, təşkilati işlərdə kömək olmaq istəyirlər.

Toy bu il avqustun 1-də baş tutacaq.