Xalq artisti Gülyanaq və Gülyaz Məmmədova bacılarının Şəkidəki ata evini söküblər.

Axşam.az fotokamerasına tuş gələn bacılar sökülən evi görüb, göz yaşlarını saxlaya bilməyiblər.

Əməkdaşımızla söhbətində Gülyanaq Məmmədova bunları deyib:

“Evimizin 110 yaşı var idi. Uşaqlığımız burada keçmişdi. Bu il AzTV-nin Novruz bayramı ilə bağlı çəkilişi də həmin evdə olmuşdu. Qədim mənzil olduğu üçün uçmaq təhlükəsi var idi. Ən kiçik qardaşım Fuad atamgilin məhləsində qalır. Həyətdə ikinci ev də var. Dedi ki, o evin yerində başqa mənzil tikəcəm. Mən sökülən vaxtı gördüm, ağladım. Amma Gülyaz görməmişdi. O, sökülən formasın ilk dəfə gördü, dayana bilməyib ağladı”.