Polis ingilis futbolçu Adam Consonu 15 yaşlı qızla cinsi əlaqədə olması iddiası üzrə saxlayıb.
Axşam.az Dailymail-ə istinadən xəbər verir ki, polis “Sanderlend” komandasının futbolçusu Adam Consonun 1,5 milyon funt-sterlinqlik (2,4 milyon manat) evində axtarış aparıb.
Həftəsinə 50 min funt-sterlinq (80 min manat) qazanan 27 yaşlı futbolçu 15 yaşlı qızla cinsi əlaqədə şübhəli bilinərək həbs olunsa da, çox keçməmiş girov müqabilində azad edilib.
Qeyd edək ki, Conson 3 ilə yaxındır ki, “Sanderlend” komandasında oynayır. O, İngiltərə milli komandasında da oyunlara çıxıb.