“Apple” şirkəti öz mobil cihazlarında istifadə edilən emosiya işarələrinə yenilik gətirəcək.

Axşam.az xarici KİV-ə istinadən xəbər verir ki, klaviaturada "Emoji" adlanan bölməyə yeni işarələr əlavə ediləcək. Gülən, ağlayan, sevinən, kədərlənən üzlərdən ibarət olan işarələr əvvəl yalnız ağ dərili irqi göstərirdisə, indi digər irqlər də əlavə olunacaq. Bura həmçinin homoseksualları da ifadə edən işarələr salınacaq.

Bu işarələr əsasən “Whatsapp” yazışmalarında istifadə edilir. Ümumilikdə 300 yeni işarə əlavə olunacaq.

Digər irqləri əks etdirən emosiya işarələrinin olmaması çoxları tərəfindən tənqid edilirdi.