"Həyatda öyrəndiklərimdən biri də budur ki..." - Emin

"Həyatda öyrəndiklərimdən biri də budur ki..." -  Emin
3992 dəfə oxunub
  • A-
  • A
  • A+
Müğənni-bəstəkar Emin "femalefirst.uk" saytına müsahibə verib.

Axşam.az-ın məlumatına görə, ifaçı karyerasına anası İrina Ağalarovanın sayəsində başladığını deyib:

“Uşaq olanda anam mənə Elvisin (Elvis Presli, amerikalı müğənni – red.) 50-ci illər hitlərindən ibarət kasetini vermişdi. Məndə oxumağa həvəs həmin mahnıları dinlədikdən sonra yarandı. Səhnədə canlı şou zamanı fanatlarımla görüşmək izaholunmaz hissdir. Sevdiyim işlə məşğul olmaq çox gözəldir”.
 
Emin hədəfinə çatmaq üçün mübariz olduğunu vurğulayıb:

“Mənim ən yüksək pilləyə qalxmaq üçün imkansız olanları mümkün etmək kimi vərdişlərim var. Əgər nəyisə arzulayırsansa, bu, çox güclü olmalıdır: ən yaxşısını istəməlisən. Həyatda öyrəndiklərimdən biri də budur ki, heç vaxt həvəsdən düşmə və hər zaman uzun yola çıxmaq üçün hazır ol. Nə qədər ki, səni əhatə edən yaradıcı insanlardan nəyisə öyrənmək istəyirsən, öz instinktlərinə və istedadına inanmalısan”.

E.Ağalarov Avropa turnesinə çıxmağa hazırlaşdığını bildirib:

“Martda İrlandiya, İspaniya, Böyük Britaniya, Fransa, İtaliyada konsertlərim olacaq. Mahnılarımı daha geniş auditoriyaya çatdırmaq istəyirəm. Ümid edirəm ki, bəyənərlər”.