Türkiyəli aktyor Burak Özçivit və aktrisa Fəxriyyə Evcən “Möhtəşəm yüz il” serialının Sümbül Ağası Səlim Bayraktarla birlikdə Bakıya gəliblər.

Axşam.az-ın məlumatına görə, akyorlar bu gün rol aldıqları “Eşq sənə bənzər" filminin qala gecəsində iştirak edəcəklər. Nizami Kino Mərkəzində baş tutacaq gecədə ekran işinin yaradıcı heyəti də yer alacaq. Aktyorlar Bakıdan fotolarını İnstaqram səhifələrində paylaşıblar.

Burak “Bakıya gəldik. Nizami Kino Mərkəzində, saat 19:00-da hamını gözləyirik”, - deyə yazıb.

Qeyd edək ki, filmin prodüseri aktyor Burak Özçivitin özü, rejissoru isə Taner Elxandır.