“Pişik ətindən də lahmacun yeyirdik” - Cem Yılmaz
Məşhur yumor ustası və şoumen Cem Yılmaz ‘Beef&Fish’ jurnalına müsahibə verib.
Axşam.az-ın məlumatına görə, yemək sirlərindən danışan şoumen hələ balacalığından türk qəhvəsi hazırlamağı öyrəndiyini, ən çox isə anasının bişirdiyi yarpaq dolmasını sevdiyini söyləyib:
“Atam həmişə deyir ki, ananız evdə olmasa, tək qalsam, ölərəm. Yemək bişirmək bir az səbir istəyir, biz kişilərdə isə bu yoxdur”.
C.Yılmaz tələbilik illəri ilə bağlı maraqlı etiraf edib:
“Hərdən 48 saat ac qalırdıq. Bəzən isə 15-20 lahmacun yeyirdik. Adətən ayın əvvəlində pulumuz olanda istədiyimizi edirdik. Amma ayın sonuna doğru pulumuz qurtaranda pişik ətindən də lahmacun yeyirdik”.