Ukraynada maliyyə böhranı hökm sürdüyünə görə rəsmi Kiyev “Eurovision 2015” mahnı müsabiqəsində iştirakdan imtina edib.

Axşam.az Anspress-ə istinadən məlumat verir ki, bu haqda Ukraynanın Birinci milli telekanalının baş direktoru Zurab Alasaniya bildirib.

O, bildirib ki, müsabiqədə iştirak etmək üçün xeyli miqdarda vəsait lazımdır. Vəsait isə az olduğuna görə müsabiqədə pis nəticə əldə edə bilərik.

“Qısa və dürüst şəkildə deyə bilərəm ki, müsabiqədə iştirakımız yersizdir və vaxtı deyil. Dişlərimizi sıxa-sıxa müsabiqədə iştirak etmək istəmirik. Ümid edirəm ki, 2016-da müsabiqədə iştirak edəcəyik”, deyə Zurab Alasaniya "Facebook" səhifəsində yazıb.

Qeyd edək ki, Ötən il Danimarkada keçirilən “Eurovision” mahnı müsabiqəsində Ukrayna altıncı yeri tutmuşdu.