Məşhur amerikalı müğənni Mayli Sayrus daha bir qalmaqalla gündəmə gəlib.

Axşam.az xarici mətbuata istinadən xəbər verir ki, ifaçı Niki Minajın obrazında çıxış etdiyi konsertdə Meksikanın bayrağına qarşı nalayiq hərəkətlərə yol verib. Qalmaqallı ifaçı öz məşhur seksual rəqsini ifa edərkən Meksikanın rəsmi atributundan istifadə edib.

Bu hərəkətinə görə Mayli ya 36 saat həbs olunacaq, yaxud da 1200 dollarlıq cərimə ödəyəcək. Xatırladaq ki, daha öncə də Dominikan Maylinin açıq-saçıq rəqslərinə görə onun ölkə daxilində konsert keçirməsinə qadağa qoymuşdu.

Qeyd edək ki, ötən il Meksika dövləti yerli müğənni Paulini Rubionu da bayraqla çılpaq şəkil çəkdirdiyi üçün cərimələyib.