Amerikanın “İnStyle” jurnalı üçün fotokameralar önünə keçən dünya şöhrətli aktrisa Culiya Roberts eyni zamanda dərgiyə müsahibə verib.
Axşam.az-ın məlumatına görə, aktrisa gözəllik sirlərindən danışıb. Həmin müsahibəni təqdim edirik.
- Olduqca diqqəti cəlb edən xanımsınız. Bunun üçün nə edirsiniz?
- Məktəb illərimdən cəlbedici və gözəl olmağımla heç maraqlanmadım. Belə bir şey olsaydı, karyeramda istədiyim nöqtəyə gəlib çıxa bilməzdim. Üzüm o qədər də gözəl deyil, amma bu, mənim xoşuma gəlir.
- Gözəllik sirləriniz nədir, bəs?
- Makiyaj ustam Kevin Aukoindən çox şey öyrənmişəm. Hər zaman kirpiklərimə tuj sürürəm. Saçlarıma xüsusi qulluq edəndə istədiyim şəklə düşmür, amma fikir verməyəndə hər zaman arzuladığım kimi qalır.
- Əgər çölə çıxmaq üçün 2 dəqiqəniz olsa, necə hazırlaşarsınız?
- Dişlərimi fırçalayar, nəmləndirici krem sürtər və günəş eynəyimi taxıb yola düşərəm.
- Gözəl gülüşünüzün səbəbi kimi dişləriniz göstərilir. Onlara necə qulluq edirsiniz?
- Dişlərimi soda ilə yuyuram. Bunu babamdan öyrənmişəm.
- İdmana nə qədər vaxt ayırırsınız?
- Həftənin beş günü 90 dəqiqə.
- Pəhriz saxlayırsınız?
- Evimə yeni aşpaz gətirmişəm. Bişirdiyi hər yeməkdən yeyirəm və belə özümü daha yaxşı hiss edirəm.